რძის ცილა: ჯანსაღი კვების გასაღები

რძის პროდუქტები რეკომენდებულია დაბალანსებულ კვებაში და, შესაბამისად, პრივილეგირებულ ადგილს იკავებენ საკვები პირამიდის მესამე საფეხურზე.

თანამედროვე ცხოვრების წესიდან გამომდინარე, ჯანსაღი კვების დაცვა საკმაოდ რთულ ამოცანას წარმოადგენს. რძის ხარისხიანი ცილების მოხმარება დაგვეხმარება მრავალი მოთხოვნილების დაკმაყოფილებაში, რადგან რძის პროდუქტები სავსებით შეესაბამება დაბალანსებული კვების ნორმებს: ისინი სრულყოფილი, მრავალფეროვანი და საკმარისია.

რძის პროდუქტების მიღება რეკომენდებულია დაბალანსებული და ჯანსაღი კვების მიმდევართათვის. რძის პროდუქტებს საკვები პირამიდის მესამე საფეხურზე პრივილეგირებული ადგილი უკავია, რაც ნიშნავს, რომ ეს პროდუქტები ყოველდღიურად უნდა მივირთვათ. უფრო მეტიც, მიზანშეწონილია მათი მიღება დღეში რამდენჯერმე.

არსებითი ამინომჟავები

რძესა და მისგან დამზადებულ უცხიმო, მცირე ოდენობის შაქრის შემცველ პროდუქტებში (როგორიცაა იოგურტი, ცილოვანი კოქტეილი, პუდინგი, ხაჭო და ა.შ.) შემავალი ცილა ჯანსაღი კვების ნაწილს წარმოადგენს. უპირველეს ყოვლისა, რძის ცილა უმაღლესი ხარისხის და მაღალი ბიოლოგიური ღირებულებისაა, რადგან თავისთავად სრულყოფილია და გააჩნია ყველა არსებითი ამინომჟავა.

კალციუმის მაღალი შემცველობა კარგად შეიწოვება რძეში არსებული კომპონენტების წყალობით (მაგალითად, ვიტამინი D-ს დანამატი).

სხვადასხვა ეროვნული და საერთაშორისო ორგანიზაცია, როგორიცაა, მაგალითად, UNED (დისტანციური განათლების ეროვნული უნივერსიტეტი), რეკომენდაციას უწევს უცხიმო რძისა და სხვა რძის პროდუქტების მოხმარებას.

თუმცა ის ფაქტი, რომ რძის ცილებს მნიშვნელოვანი ადგილი უკავია ჯანსაღ კვებაში, აიხსნება რძის პროდუქტებში არსებითი ამინომჟავების შემცველობით: ისეთი ამინომჟავებით, რომლებიც ორგანიზმში ვერ სინთეზირდება და მათი მიღება აუცილებელია ყოველდღიური რაციონიდან. რძის პროდუქტებში არსებული ყველაზე მნიშვნელოვანი ამინომჟავებია: ჰისტიდინი, იზოლეიცინი, ლეიცინი, ლიზინი, მეთიონინი, ფენილალანინი, ტრეონინი, ტრიპტოფანი და ვალინი. ექსპერტების მიერ შემოწმების შემდეგ ამინომჟავების ეს შემადგენლობა აღიარებულია სრულფასოვან ცილად შესანიშნავი ბიოათვისებადობით.